Startuj z nami!

www.szkolnictwo.pl

praca, nauka, rozrywka....

mapa polskich szkół
Nauka Nauka
Uczelnie Uczelnie
Mój profil / Znajomi Mój profil/Znajomi
Poczta Poczta/Dokumenty
Przewodnik Przewodnik
Nauka Konkurs
uczelnie

zamów reklamę
zobacz szczegóły
uczelnie
PrezentacjaForumPrezentacja nieoficjalnaZmiana prezentacji
Dzień Górnika



Platforma Edukacyjna - gotowe opracowania lekcji oraz testów.


 

Scenariusz został przygotowany, na obchodzony co roku w naszej szkole, dzień Górnika. Na zakademię zostali zaproszeni górnicy - ojcowie naszych uczniów, pracujący w miejscowej kopalni. Wykorzystano gwarę śląską - element edukacji regionalnej w naszej szkole

SCENARIUSZ NA DZIEŃ GÓRNIKA

Narrator

Kochani górnicy. Chcielibymy wos piyknie prziwitać waszym pozdrowiynim „Szczynść Boże”.
Barborka jest waszym najwiynkszym świyntym. Z tej okazji przigotowalimy krotki program artysztyczny trocha na poważnie, trocha na wesoło, trocha po ślonsku, trocha do potańcowanio, trocha do pośpiywanio. Zapraszomy do wspólnej zabawy. Tera na poważnie...
Świynto Barbara je waszom patronkom. Łona dycki stoi za wami i wos szczeże łod wszelakigo zła.
Posłochejcie wiersza o Świyntej Barbarze.


Dziecko 1

Schodzą górnicy pod ziemię

W ciemność daleką od słonka.

Wychodzi im tu naprzeciw

Święta Barbara, patronka.



Płomień chybocze się w lampach,

Na czarnej ścianie drżą cienie.

- Szczęść Boże – słychać głos Świętej.

Serdeczne to pozdrowienie.



- Szczęść Boże – górnicy chórem

odrzekną swojej patronce.

I jasno w czarnej kopalni,

Jak gdyby wzeszło tu słońce.



Barbaro, patronką górników naszych bądź

Tak do Ciebie woła cały Śląsk.

Barbaro patronko my zawierzamy Ci

Byś strzegła od złego górniczy stan.



Narrator

Harujecie na tej grubie, pocicie się, przemynczocie, tracicie zdrowii, a som tacy, co nie wiedzom jeszcze skond się biere wongiel. Może by my im to w końcu wyjaśnili.B
Skecz

(Ludwiczek, Melchiorek , Szpyndlikowo i Mamulka)

SzpyndlikowoLudwiczku, wy ponoć mocie ciepło w chałpie, a ciepło. Kaj to wasz tatulek nazbiyrali takigo chruścio?

Ludwiczek Wiycie Szpyndlikowo. To niy tatulek, yno jo z Florusiym.

Szpyndlikowo Niy godej!

Ludwiczek Ja. Prowda godom.

/Wchodzi Melchiorek z umazanym dziubym/

Melchiorek Dziyń dobry Szpyndlikowo. Chcieliście godać z mamulkom?

Szpyndlikowo Ja, bo wiysz, ponoć mocie coś ciekawego, co sie piyknie w piecu poli.

Melchiorek Eee, tam, dobrze w piecu poli. A jak nos wszyskich z tego zadek boli?

Szpyndlikowo A czamusz to?

Melchiorek Bo skuli tego dziadostwa mamulka nos tak sprali, że my tydziyń ni mogli siedzieć.

/Wchodzi mamulka/

Mamulka Witejcie Szpyndliczko.

Szpyndlikowo Szczynść Boże Karlikowo.

Mamulka A co wy se tak z tymi mojimi dzieckami łosprowiocie?

Szpyndlikowo A dyć godajom i żalom mi sie tu, żeście ich ponoć łokropnie sprali.

Mamulka A dyć żech ich sprała. Bo wiycie w pyndziałek Ludwiczek przinios do dom taki czorne i twarde kamiynie. Pedzioł, że jak pos świnie łod gojnego, to to te świnie w jakijś dziurze znodły.

Szpyndlikowo No a co majom do tego kamiynie?

Mamulka Ludwiczek doł ich na stoł i Marika, Melchiorek i Floruś zaczli se tym kulać po serwecie. Nie dość, że serwet yno do pieca sie nadowoł, to dziecka sie tak upaprały, żech wziyna hok z pieca i żech im łozwyrtała po dupie.

Szpyndlikowo Ale Karlikowo, niy było wom ich żol?

Mamulka A wiycie, że trocha było. Jak ryczały, tymi zmazanymi rynkami zaczły sie łociyrać. Wyglondały jak murcki. Melchiorek gibko wzion te kamyczki i wciepoł ich do pieca. Za chwila Flouś ryczy na cało chałpa: „Mamulko, te kamiynie sie jeszcze polom!”

Floruś Wiycie Szpyndlikowo. Na drugi dziyń z tatulkiym poszli my do lasa, nakopali my tych kamiyni dwa miechy i prziniyśli do dom. A jak sie polom w piecu.

/Marika wchodzi/

Marika Szczynść Boże Szpyndlikowo. Ło czym godocie?

Floruś Jak my te czorne kamiynie znodli.

Marika Aaa, wiym. Tatulek som radzi a radzi. A wiycie co pedzieli? Że to już tak jest na tym Bożym świecie, że nojwiynksze bogactwo znojdzie człowiek bez przipadek.

Narrator

Wiymy już wszyscy skond się biere wongiel, czamu on je w pywnicy, ale co my jeszcze śniego momy powiy nom Agatka. Posłochejcie.

Agatka

Chcioł żech spytać, jak sie mocie?

Wonglo familio znocie?

Wetna z wami sie na mycki,

Że niom sztof jest, tyn na świyczki.

Ryjgynmantel kolorowy,

I bal w kropki, całkiym nowy.

I pigułka w smaku szpetno,

I z plastiku tasza świetno.

Jeszcze blajsztyft jest z piórnika,

No i hynkel od koszyka.

Szwam, co leży przi guliku,

I bynzyna w szpic-mopliku.

Czarno tera, bioło świyczka,

To familio wonglo z piecka.

Coż tak gymby zaś krziwicie?

Chyba, że mi nie wierzicie?

Co mo wongiel do pigułki?

Abo plastikowej rułki?

To pytani pewnie mocie,

Wiysz co godosz mały trzpiocie?

A jo z chymii wiym na pewno,

Że rodzina jest to krewno,

Że we wszystkim wonglo troszka,

Mo go nawet nowo broszka.

Ryjgynmantel kolorowy,

I bal w kropki, całkiym nowy.

I pigułka w smaku szpetno,

I z plastiku tasza świetno.

I z tankszteli bak bynzyny,

To som wonglo też kuzyny.

Co je dziwne w tej familii?

Powiym zaroz moi mili.

Czy to teraz, czy chań downij,

Som do siebie niepodobni.

Wongiel jest jak wongiel czorny,

Szwam czerwony niepozorny.

Świyczka bioło, plastik siwy,

Bal jest w kropki, hynkiel krziwy.

Skond sie wziyny te różnice?

Tajymnica jest w fabryce!

Narrator

Fest ciynżko musicie, kochani górnicy, robić tam na dole, i na wiyrchu, żeby my ni mieli se czym pograć, i żeby my nie mokli na deszczu. Ale to wszystko jest okupione potym górnika. Karlik też ciynżko robił, ale mioł jeszcze chynci do śpiywanio

Piosenka „Karlik”

Narrator

Som też i tacy, kierym się nie chce czasym robić, ale majom prawo być zmynczyni.



Francek Antek, siedni se tu zy mnom.

Antek A co mosz dzisio na śniodanie?

Francek Sznita z leberwusztym, swojskim.

Antek Ja? Dewej, alech je głodny. Dobre to mosz.

Francek Wiysz, jo bych tak chcioł fedrować na północnym biegunie.

Antek A czamu? Coż ci sie też zachciało? Ciepło ci tu je, czy co?

Francek Niy, yno widzisz. Tam je poł roku noc, a poł roku dziyń. Poł roku bych społ i leżoł.

Antek Czyś ty łogup Antek? Drugi poł roku byś musioł fedrować!

Francek Chyba cie puczy! Przeca mie łobowionzuje łośmiogodzinny dziyń roboty!

Narrator

Czasym nawet jakigoś górnika styknie na wycieczka nawet do Paryża. Alojz pojechoł, bo wygroł nagroda – rozwionzoł krziżowka w gazecie.

Gynek Alojz, czamu cie tak dłogo nie było w robocie? Chory żeś był?

Alojz Niy, byłech w Paryżu na wycieczce.

Gynek Alojz, ty mosz tela pijyndzy, że cie na wycieczka do Paryża stykło?

Alojz Niy, yno moja baba rozwionzuje krziżowki i wygrała piyrsze miyjsce.

Gynek I co? Fajnie tam było?

Alojz Fajnie. Ale żech je łokropnie rod, żech sie tam nie urodził.

Gynek A czamu?

Alojz Bo bych musioł po francusku godać.

Narrator

Antek odpoczon w Paryżu, a inni górnicy odpoczywajom przi gołymbiach. Posłochejcie jak.

Dziecko 2
(śpiewa)
Idę sobie przez podwórze

I pyk, pyk fajeczkę kurzę,

Mam króliki w gołębniku,

A w kadłubku stary kos

Śpiewa mi na cały głos.


Pyk, pyk, pyk z fajeczki

Duś, duś, duś gołąbeczki.

Fajeczka, gołąbeczek, ławeczka, ogródeczek

I w kadłubku kos, to starzyka los.



Tak się w życiu dziwnie darzy,

Byłem górnik, jestem starzyka.

Kułem węgiel w czarnej głębi,

Dziś mi karmić trza gołębie,

Rwałem węgiel pókim mógł,

Dziś fedruje za mnie wnuk.


Pyk, pyk, pyk z fajeczki...



Wyrąbałem węgla zwały,

Żeby ludziom ciepło dały.

Teraz, gdy mi włos bieleje,

Sam przy piecu kości grzeje.

Jeszcze wczoraj taki chwat,

Dziś już pono stary dziad.


Pyk, pyk, pyk z fajeczki...



Narrator

Nikierzi górnicy majom poważne hobby. Lotujom gołynbie, ale nie zawsze im one wracajom do chałpy.


Zefliczek Witej żoneczko!

Ana Szczynść Boże, Zefliczku. Siadej ku stole. Już ci leja zupa. Mom dzisioj dobry żur z ziymniokami. Bydzie ci smakowoł.

Zefliczek Wiysz, co sie stało?

Ana Niy. Co?

Zefliczek W zeszłym tydniu Francik Buła jechoł do Lublina na torg. Dołech mu tego mojigo nojlepszego gołymbia, żeby go tam puścił.

Ana No i co? No i co?

Zefliczek Dyć Francik już downo przijechoł nazot, a mojigo gołymbia jak ni ma, tak ni ma.

Ana Ja Zefliczku, gołąb prziszoł dzisioj rano piechty.

Zefliczek Piechty!?

Ana Ja, bo wiysz ty co? Francik mu zapomnioł skrzydła rozwionzać.



Narrator

Skoro som my ślonzokami, to przeca muszymy se przipomnieć jak to piyrwej na śląsku tańcowali. Zaproszomy na scyna nasze kołko muzyczne. Najprzod zatańczom trojoka, a potym inne tańce.


/Dzieci z kl. II i III tańczą przygotowane tańce/

Narrator

Dziynkujymy szkolorzom z klasy II i III. Piykneście to mieli.

Kochani górnicy, wiymy żeście som łokropnie robotne chłopy. Chcielibymy wom jeszcze pokozać jednego takigo, z kierego nie biercie se przikładu. Nazywo się łon zgniluch. Na pewno na grubie taki chłop nigdy nie robił, nie robi i nie bydzie robił.



Wiersz pt. „Zgniluch”



Na zeslongu gnije lyń,

W nosie dubie coły dziyń

- Ło, wyboczom mi!

Jo, zgniluch co durch śpi?

A fto siedzi w Internecie?

A fto SMS-y naciepoł Lizbecie?

A fto na telewizor rano kukoł?

A fto we komputerze szprymy szukoł?

A fto bebloł ło robocie?

No – to! Mocie!



Na zeslongu gnije lyń,

W nosie dubie coły dziyń

Wyboczom! A flachy nie duldołech?

A ucholow nie toplołech?

A niy urwał żech kneflika?

A niy wyplynzioł lynzyka?

A niy boł żech się strzic?

To wedle Wos psińco nic?



Na zeslongu gnije lyń,

W nosie dubie coły dziyń

Na baja poszoł, bo w trowie mu piszczało,

Lekcyje niy zrobiył, bo w fuzbal się grało,

Niy zawionzoł harbołów, bo to osik ciynżkigo,

Niy witoł sąsiadów, bo co im do tego!

Niy doł pić psowi, bo na siyni woda,

Niy nasuł ptokowi, bo czasu szkoda.

Mioł tyż powieczerzać, ino macha ciepnoł.



Mioł się kłaść w prykolu – jakoś łoroz usnoł.

Śniło mu się, że go w Uniji witali,

Przecucioł się, bo tam lyniom kwiotki dowali.



Narrator

Dziynkujymy wszystkim za uwaga, ale chcielibymy jeszcze wszystkim naszym kochanym górnikom słożyć życzynia

/Życzenia dla górników/

Opracowanie: Renata Kuś – nauczycielka Szkoły Podstawowej w Suszcu

Umieść poniższy link na swojej stronie aby wzmocnić promocję tej jednostki oraz jej pozycjonowanie w wyszukiwarkach internetowych:

X


Zarejestruj się lub zaloguj,
aby mieć pełny dostęp
do serwisu edukacyjnego.




www.szkolnictwo.pl

e-mail: zmiany@szkolnictwo.pl
- największy w Polsce katalog szkół
- ponad 1 mln użytkowników miesięcznie




Nauczycielu! Bezpłatne, interaktywne lekcje i testy oraz prezentacje w PowerPoint`cie do wykorzystania na lekcjach -> www.szkolnictwo.pl (w zakładce "Nauka").

Zaloguj się aby mieć dostęp do platformy edukacyjnej



Zachodniopomorskie Pomorskie Warmińsko-Mazurskie Podlaskie Mazowieckie Lubelskie Kujawsko-Pomorskie Wielkopolskie Lubuskie Łódzkie Świętokrzyskie Podkarpackie Małopolskie Śląskie Opolskie Dolnośląskie